۵ــ ۶ــ ۲۰۱۱                

تر هر څه دمخه دا حقيقت بايد ومنو چی نظر ورکول ديوه انسان طبعي حق دي چی بايد دهر ډول توهين او سپکاوي څخه  مصؤن وساتل سي ۰ چی دې اصل ته په ځانګړي توګه په مدني ټولنو کي دپام وړ پاملرنه سوي ده ۰ زه هم ددې اصل په پام  کي نيولو  سره دهر ليکوال نظر ته په ځانګړي توګه دافغان ټولني دبرخه ليک په هکله چی يا يي لولم اويايي آورم ، که څه هم زما دشخصي نظر سره مخالفت او يا  ليريوالي هم  ولري زه داحترام په سترګه ورته ګورم ۰ او هڅه کوم چی که  په يوه دوستانه  فضا کي  که شرايط مساعد سي چی دا دنظر مخالفت يا ليریوالي چی دهر دوست سره چی وي  د مخا مخ يا  تليفوني خبرو  اويا هم  دليکونو د لاري څخه  پر حقيقت باندي ولاړ يو  تفاهم ته ورسيږم  ډيره خوښي احساسوم ۰ ځکه نوز ما په دې دوستانه ليکنه  کي دافغان جرمن انلاين دمحترمو چلونکو څخه ګيله داده  چی :  ما ستاسو دويب پاڼي په لومړي صفحه کي دهغه تليفوني مصاحبي په هکله چی محترم عباسي صاحب ددريو افغان شخصيتونو سره يي تر سره کړي وه ، ما خپله دمحترم روستار تره کي دنظر پلوي  وکړه ، او دازما يو طبعي حق وو ،  چی په يوه وړانديز کي مي  نور افغان مينه وال  هم ددې مصاحبي واوريدلو ته راوبلل ۰  او زما نظر داوو چی ددې مصاحبي اوريدل به ددوي دملي دريز په تحکيم او پوخوالي کي کومک ورسره وکړي ۰ ولي متاسفانه چی دمي پر ۲۸ نيټه  زما ددغه وړانديز په خپريدو سره دا مصاحبه دافغان جرمن انلاين دلومړي صفحي څخه وارشيف ته انتقال سوله ، ولي يو شمير دوستانو ماته تليفون وکړ ، تاسو چی دمحترم روستار تره کي دتليفوني مصاحبي په هکله کوم ادرس چی مو ورکړي دي ،  هغه مصاحبه دافغان جرمن انلاين په لومړي صفحه کي شتون نه لري ،او پر ځاي يي دمحترم عباسي صاحب د تیرو څو مياشتو پخواني تلويزوني پروګرام يوه برخه ده ،  چی پخواه هم په هم دې صفحه کي دڅو ورځو دپاره ځاي پر خاي سوي وه ، ولي  اوس بيا ليدل کيږي  ۰ ما چی هم خپله افغان جرمن انلاين دچلونکو دا کار وليد ، دمطبوعاتي نزاکتونو په پام

 کي دنه نيولو له کبله يي سخت متآ ثره کړم ،  او دا مي په مطبوعاتي چاپير يال کي يوه حمله وبلل ۰ دا ځکه چی دمحترم روستار تره کي د ګډي مصاحبي پر ځاي افغان جرمن انلاين کومه نوي مصاحبه او يا نو ر نوي  څه نه دي ځاي پر ځاي کړي ،  چی بياهم سړي فکر وکړي چی دا ددوي دويب پاڼي يو طبعي پروسه ده ۰ په وروستي برخه کي دافغان جرمن  انلاين دمحترمو چلونکو څخه هیله مند یم ،  چی په راتلونکو وختونو کي دملي ګټو په نظرکي نيولو سره يي په ويب پاڼه کي داسي څه تر سره نه  سي ،  چی دنورودنظر او قلمي  توهين سبب و ګرځي  ۰